Важна карактеристика на децата, всушност и општо на луѓето кои многу читаат е дека имаат добро развиени емпатски способности, открива М-р Ивана Хаџиванова Психолог/Психотерапевт. Читајќи литература во која се опишуваат најразлични човечки состојби, мислења и емоции, тоа уште од најмало се запознава со се што е човечко.
Читачот создава отворен ум за други култури иразлични стилови на живеење. Со читањето се развива вокабуларот и граматички способности, кои исто така ги подобруваат и пишувачките способности кои апсолутно ќе му служат низ животот, особено во ерата на комуникацијата.
Критичкото мислење и мислењето насочено кон решавање на проблеми се развиваат значително брзо и добро кај деца што многу читаат. Детето читајќи, ќе научи да го задржи вниманието подолго и ќе има богата имагинација која води кон голема креативност.
Децата со тргнување во училиште учат да читаат и пишуваат, но често тоа преставува проблем бидејќи тоа се случува под мора, треба и присуство на учител. Како резултат на тоа, може да ја изгубат желбата за учење. Ако е таа желба пропратена со љубопитност и интерес и е потикната од претходно равиена интринзичка внатрешна мотивација, читачките и пишувачките способности ќе бидат многу поуспешни.
ДETE ШТО ЧИТА ЌЕ БИДЕ ВОЗРАСЕН КОЈ МИСЛИ
Една од повеќето важни задачи и цели кои треба да ги има секој родител е да го научи своето дете да ужива кога чита и да ги засака книгите воопшто.
Трудот вложен во оваа активност нема да се залудно време и енергија потрошени на создавање на оваа исклучително позитивна навика. Децата кои сакаат да читаат ќе бидат одлични за што и да се определат во животот.
Читањето е вратата до знаењето и до континуираното надградување на личноста и интелектот кај човекот. Желбата за читање е поврзана со успехот во животот.
Од друга страна, навиката за долго и концентрирано читање ќе му ја олесни работата со предизвиците во животот понатака и со тешки и коплексни материјали во секој дел од образованието.
Тоа ќе се подготви за предизвикувачките материи со кои ќе се сретнува, а најбитно ќе му ги развие апетитите и зголеми аспирациите за се повеќе знаење.
Бидете трпеливи да ја развиете љубовта кон книгата кај вашите деца уште од најмали. Бенефитите се огромни во многу аспекти.
Смајли 