Се наоѓаме во несекојдневна ситуација која некои од нас не’ доведува до чувства на зголемена анксиозност, депресивни мисли, а и панични напади.
И покрај тоа што Интернетот е неверојатно корисен во овој период, информациите кои постојано кружат знаат да ни создадат дополнителен стрес. Тука спаѓаат и лажните вести или насловите кои служат само за да намамат кликови (читаност).
Секако, не можеме да го победиме вирусот со постојана грижа, но можеме и мораме да се победиме себеси така што ќе научиме да се контролираме со цел да се справиме многу подобро со она што ни го снајде светот.
Овој пат не е во криза само нашата држава, па не можеме да речеме дека ќе ги спакуваме куферите и ќе си одиме од тука за да се спасиме; вирусот го има низ цел свет.
Ова можеме да го сфатиме како животна лекција дека здравјето е поважно од се’ и дека сериозно треба да работиме на нашата психофизичка состојба. Да ги следиме препораките на владата и да останеме дома – сега имаме шанса да се посветиме на себеси и на поминување време со семејството.
Доколку вие сте една од оние личности кои не се воопшто исплашени, не значи дека не треба да бидете внимателни бидејќи вашите несовесни постапки и непочитување на препораките може да доведат туѓи животи во опасност. Секако, тоа не значи дека ве советуваме да паничите, само ве замолуваме да бидете претпазливи и послушни.
А за да го намалиме чувството на страв треба да се фокусираме и на нешто друго покрај постојано читање информации околу коронавирусот. Токму од таа причина ви предлагаме серии со епизоди во времетраење од по дваесеттина минути. Инаку, вие можете вашите предлози да ги пишете во коментар.
Сега е време да мислиме и на себе и на оние околу нас бидејќи вакви моменти знаат да бидат тешки за луѓето кои и без пандемија се борат со внатрешни демони.
Ајде заедно да се избориме! Можеме, силни сме!
Смајли 