Празни зборови
Избери сила,
Избери моќ,
Избери среќа,
Не се предавај,
Не се заборавај,
Најди начин,
Најди начин да не се изгубиш.
Животот е таков,
Сите знаат оти не е лесно,
Ништо не доаѓа лесно,
Контролирај се…
-Тоа сакаат да те научат,
Празни зборови за тебе.
Оти не знаат дека глува си,
Дека слепа си,
Дека затворена си,
Просто – не си ти.
Не слушаш ништо,
Освен тие внатре.
Не гледаш ништо,
Освен бездна.
Сакаш да се ослободиш,
Ама се стегаш уште повеќе.
Сакаш да се разбудиш од кошмарот,
Ама кошмарот го живееш,
И знаеш дека само во сонот си слободна.
Диши.
Можеш.
Ќе бидеш добро.
-Х
Ако сакате да читате повеќе, заследете го Смајли.мк на Фејсбук и Инстаграм.
Смајли 